Göz əməliyyatı keçirən azərbaycanlı Siyasi məhbus Əlirza Fərşinin məzuniyyət müddəti 30 gün uzadılıb
yanvarın 9-da Tehranın “Fəşafuyə” zindanından tibbi məzuniyyətə buraxılan azərbaycanlı siyasi məhbus Əlirza Fərşinin tibbi məzuniyyət müddəti 30 gün uzadılıb.
Azərbaycanlı siyasi məhbus Əlirza Fərşi dünən özünün sosial şəbəkə hesabında bu barədə məlumat paylaşıb.
Azərbaycanlı fəal Baharistanda Ümumi və İnqilab Prokurorluğuna müraciət edərkən məlumat alıb ki, məhkəmə qərarlarını icra edən Vəliuyllah Heydərnejad deyib ki, fəalın dosyesi yenicə həmin prokurorluğa göndərilib və hələlik dosye araşdırılmayıb. Ona görə də fəalın məzuniyyət müddəti 30 gün uzadılıb.
Bu xəbəri İnbstagram səhifəsində yayan Fərşi yazıb ki, “Bu il 4 ildən sonra anamın Novruz süfrəsi ətrafında otura biləcəyəmmi?”
Qeyd edək ki, azərbaycanlı siyasi məhbus yanvarın 27-də ayağında elektron qandalla Tehranın “Bina” xəstəxanasına yerləşdirilib və gözündən əməliyyat olunub.
Əlirza Fərşi 2020-ci ilin iyul ayının 21-də saxlanılıb və iki illik həbs cəzasını çəkmək üçün Tehran şəhərinin Evin həbsxanasına köçürülüb.
Əlirza Fərşi 2014-cü ildə isə Əkbər Azad, Behnam Şeyxi və Həmid Mənafi ilə birlikdə Tehranın Bəharistan şəhərində “Dünya Ana Dili Günü” mərasiminə qatıldığı üçün həbs olunmuşdu. Fəal “milli təhlükəsizliyə qarşı qrup və fraksiyalara üzv olmaq” ittihamı ilə Tehran apellyasiya məhkəməsinin 54 saylı şöbəsin tərəfindən iki il həbs, iki il sürgün cəzasına məhkum edilmişdi.
Tehranın İnqilab Məhkəməsinin 26-cı şöbəsində hakim İman Əfşarinin başçılığı ilə Əlirza Fərşiyə 50 ay cəzası çıxarıb. Bundan başqa, fəal Tehran zindanında 2 ay icbari işləmək cəzasına məhkum edilib. O, 2020-ci ilin iyul ayının 21-dən bu günə kimi Tehranın “Fəşafuyə” zindanında həbs cəzasını çəkməkdədir.
