Güney Azərbaycanlı Milli Fəalların Azadlığı Üçün İmza Kampaniyası; Susdurulan Səsimizi Yenidən Ucaldaq!
Güney Azərbaycan xalqının təməl haqları üçün mübarizə aparan milli fəallarımızın səsi olaq!
Şovinist İran rejiminin zülmü altında öz ana dilində təhsil və Urmu Gölünün yaşadılması haqqını tələb edən cəsur Güney Azərbaycanlı milli fəallar, sadəcə hüquqlarını müdafiə etdiklərinə görə haqsız ittihamlarla məhkum ediliblər. Bu insanlar, yalnız öz dəyərlərini qorumaq və Güney Azərbaycanın təbii və mədəni irsini yaşatmaq istədikləri üçün, heç bir əsas olmadan 87 il azadlıqdan məhrum ediliblər! İran rejimi onların azadlıq səsini susdurmağa çalışsa da, biz birləşərək bu səsi yenidən ucalda bilərik!
Bu mübarizə yalnız həbsdə olan fəalların deyil, bütün Güney Azərbaycanın mübarizəsidir. Onların haqq savaşını birgə dəstəkləyək, bir imza ilə azadlıq işığına güc qataq!
Həbs Olunan Cəsur Fəallar və Haqsız Həbs Cəzaları:
1. Ayaz Seyfxah – 13 il həbs
2. Bağır Hacızadə – 13 il həbs
3. Araz Aman-Zinabad – 13 il həbs
4. Tahir Nəqəvi – 6 il həbs
5. Murtəza Pərvin – 6 il həbs
6. Hüseyn Piri – 5 il həbs
7. Salar Tahir-Əfşar – 5 il həbs
8. Vədud Əsədi – 4 il 6 ay həbs
9. Səyid Minayi – 5 il həbs
10. Kamal Nuri – 3 il həbs
11. Süleyman Məhəmmədi – 3 il həbs
12. Əbduləziz Əzimi-Üədim – 6 il həbs
13. Məhəmməd Riza Fəqihi (Güney Azərbaycanlı hüquqşünas) – 5 il həbs
Bu haqsız həbs qərarları, İranda milli haqlara qarşı olan təzyiqlərin bir simvoludur. İran rejimi ana dilimizdə təhsil haqqını qadağan edərək, Urmu Gölünün məqsədyönlü şəkildə qurudulmasına şərait yaradaraq, Güney Azərbaycan xalqının iradəsini boğmağa çalışır. Amma bizlər, bu haqsızlığa boyun əyməyəcək, milli fəallarımızın səsini dünya ictimaiyyətinə çatdıracağıq!
Bir imza ilə haqqımıza sahib çıxaq, dünya səviyyəsində dəstəyimizi göstərək!
Topladığımız imzalar, Birləşmiş Millətlər Təşkilatının İnsan Haqları Yüksək Komissarlığına və digər əlaqədar beynəlxalq qurumlara təqdim ediləcək. Güney Azərbaycanın səsini yenidən ucaldaq, ədalət üçün birlik olaq!
Bu mübarizədə yalnız deyilik. Bir imza ilə ədalətin yanındayıq, haqsızlığa “yox” deyirik!
