İran bu tarixdə hücum edə bilər- Ehtimal

Bu barədə “Axios” portalı ABŞ və İsrail rəsmilərinə istinadən xəbər verib.

“Üç ABŞ və İsrail rəsmisi bildiriblər ki, onlar İranın bazar ertəsi İsrailə hücum edəcəyini gözləyirlər”, – deyə nəşr bildirib.

Bundan əvvəl “Sky News Arabia” telekanalı Qərb kəşfiyyat məlumatlarına istinadən İranın Tişa BeAv, yəni yəhudilərin matəm günü İsrailə hücum planlaşdırdığı xəbərini yaymışdı.

Xatərladaq ki, iyulun 31-də İsmayıl Haniyənin Tehranda öldürülməsinin məsuliyyətini İsrail öz üzərinə götürməyib.

Buna baxmayaraq, İran tərəfi heç bir sübut təqdim etmədən İsrailin HƏMAS-ın Siyasi Bürosunun liderini öldürməkdə günahlandırıb və buna görə bu ölkəyə qısas hücumu edəcəyini bildirib.

Haniyənin öldürülməsinə görə, SEPAH-ın təhlükəsizlik bölməsi 20-dən çox şəxsi həbs edib.

Onların arasında yüksək rütbəli zabitlər və Haniyənin qaldığı mehmanxananın əməkdaşları da var.