İranın daha 7 şəhərində məktəblərə kimyəvi hücum edilib

İranda qız öyrəncilər hələ də zəhərli qaz hücumlarının hədəfindədirlər və çərşənbə axşamı, aprelin 18-də İranın ən azı 7 şəhərindəki qız məktəblərində zəhərlənmə qeydə alınıb.

Sosial şəbəkələrdə yayılan məlumatlara və videolara görə, dünən Tehran, Kərəc, İslamşəhr, Urmiya, Ərdəbil, Saqqız və Kirmanşah şəhərlərində kimyəvi hücumlar həyata keçirilib.

İran məktəblərində, əsasən, qız şagirdlərin ardıcıl zəhərlənməsi 30 noyabrda Qumda başlayıb və İranın başqa əyalətlərinə də yayılmaqda davam edir.

İslam Respublikasının hakimiyyət orqanları qız məktəblərinə qaz hücumlarının olmasını təkzib edir və cinayətkarların müəyyən edilməsi üçün heç bir təsirli tədbir görmür.