Marağalı Ustad Mirzə Hüseyn Kəriminin Ölümü İlə Bağlı Güney Azərbaycan Milli Qurtuluş Hərəkatının Başsağlığı
Sağlığımda məni yad et əxəvi, mən öləndən sora cırma yaxavı.
Sağlığımda məni dindir dilinən, gəlmə tərhimimə tac o gülünən.
Sağlığımda əlini çək başıma, yaxma burnun zılığın başdaşıma.
Ta varam üzmə əlimdən əlini, nə qara gir, nə uzad saqqalıvı!
Azərbaycanın böyük şairlərindən olan satirik çerinin ustadı Marağalı Kərimi dünyasını dəyişmişdir. Ustad 1931-ci ildə Marağada anadan olmuş, 2023-cü ilin fevral ayının 9 da aramızdan köçmüşdür. 16 cildlik Rəngarəng adlı türkcə zəngin mirası ilə Güney Azərbaycan Türk ədəbiyatına ən böyük miras qoyan satirik şairimizdir. O, usta dililə oxucusunu öncə güldürür, sonra düşündürür və ən sonunda acınacaqlı əhvalatına görə ağladırdı. Onun xurafata, yalan inanclara qarşı böyük çabası var idi. Baxmayaraq ki, türkcə mərsiyə şeirləri də millət arasında əzbərdən oxunurdu. Lakin, toplumsəl və məişət şerinin millət arasında çəkisi, onu xalq şerinin ustasına çevirmişdir. Ustad Kərimi xalq arasında ən çox sevilən kütləvi şair sayılırdı.
GAMQH olaraq Ustadın ölümü ilə bağlı Azərbaycan Türk Millətinə başsağlı verir, sayğılı ailəsinə dözüm diləyirik. Heç şübhəsiz ki, Ustad Kərimi Marağei azad Azərbaycanda ucalan heykəlilə əbədi yaşayacaqdır.
Güney Azərbaycan Milli Qurtuluş Hərəkatının
2023-02-09
