Qarabağ Qurtuluş Zəfəri və Qənirə Paşayevanın acı xəbərilə bağlı
Güney Azərbaycan Milli Qurtuluş Hərəkatının bildirişi
“QARABAĞ AZƏRBAYCANDIR!” İRADƏSİ TARİXİN QIZIL SƏHİFƏLƏRİNƏ DÜŞDÜ!
Azərbaycan Dövləti Gücü ilə Qondarma Qarabağ Rejimi Ləğv Olundu!
Gözün aydın Azərbaycan Türk Milləti!
Gözün aydın Ali baş Komandan, Prezidentimiz İlham Əliyev!
Bu gözəl duyğular içində ən böyük acımız Qənirə Paşayeva oldu!
Azərbaycanın əziz Qənirə, bu böyük sənli zəfərin sənsiz dadı qaçar kimi görünsə də, tarixdə adını
Qarabağın azadlıq günü ilə pərçinləşdirdin! Sən, haqsız, vaxsız gənc ölümünlə əbədi olaraq adını
Qarabağın qurtuluş günü ilə əbədiləşdirdin.
Səninlə bağlı Türk dünyası, 50 milyonluq Azərbaycan Türk Milləti çox yazacaq. Bizə ancaq, 48 illik
qıssa yaşamında Türklüyə, Yurdumuza, dövlətimizə verdiyin saysız əməklərinə görə təşəkkür düşür.
Bu əziz zəfər günlərində millətimizə və dövlətimizə başsağlığı vermək çox çətindir. Ancaq, bütün
gəncliyini Qarabağın azadlığı uğruna vermiş Qənirə Paşayeva üçün, bu ülkünü yaşadan minlərcə
qəhrəman şəhidlər və qazilərimiz üçün vermək gərəkir.
Millətimizin, dövlətimizin, Türk dünyamızın başı sağolsun!
Güney Azərbaycan Milli Qurtuluş Hərəkatı başqanı
Eldar Qaradağlı
2023-09-28
