TÜRKİYƏ CÜMHURİYYƏTİNİN 100.CÜ İLDÖNÜMÜ QUTLU OLSUN.
GÜNEY AZƏRBAYCAN MİLLİ QURTULUŞ HƏRƏKATININ BİLDİRİŞİ
NƏ MUTLU TÜRKƏM DEYENE
ULU ATATÜRKÜN ÖNDƏRLİYİNDƏ 29 oktober 1923 Türkiyə Cümhuriyyəti varlığını elan etdi. Osmanlı İmperatoluğunun 1.ci Dünya Savaşının sonra kəskin yenilgisilə Türkiyənin hər tərəfli işğalına nədən olmuşdu.
Sözsüz ki, böyük Türk millətinin bu ağır alçaqlığa verəcək cavabı daha kəskin olacaqdı. Ulu Atatürkün başkomandanlığında Anadoludan başlayan Milli Qurtuluş Hərəkatı umudu qırılmış toplumun yenidən ruhlanmasına nədən olmuşdu. Dünyanı heyrətə salan milli liderlik sayəsində Osmanlı küllərindən Türkiyə Cümhuriyyəti doğuldu. 100 minlər şəhidin qan bahası olan Türk dövləti bundan sonra artıq Cümhuriyyət olacaqdır. Bu ülkünü ilk kəz dilə gətirən Atatürkün hədəfində minlər il yaşayacaq güclü və yenilməz Türk Cümhuriyyəti dayanmışdır.
Bugün Türkiyə Cümhuriyyətinin 100-cü ildönümündə parlamaqda olan bir Türk dünyasını vardır. Bugün 7 cümhuriyyət və özgür, bağımsız Türk toplumu varsa, heç şübhəsiz yaxın gələcəkdə istiqlal yolunda olan daha çox Türk toplumun bağımsızlığına tanıq olacaq dünya.
Yurdumuzun 30 il boyunca işğal altında olan torpaqlarında artıq Azərbaycan Cümhuriyyətinin qudsal bayrağı dalğalanır. Güney Azərbaycanda milli qurtuluş hərəkatı Atatürk ülkülərinə dayanaraq hər gün milli istiqlaliyyətinə yaxınlaşmaqdadır. Biz inanırıq ki, çox keçmədən Güney Azərbaycan Türk Cümhuriyyəti də var olan dövlətlərimiz cərgəsinə girərək, bütövlük yolunda ötkəm addımlarla irəliləyəcək.
Atamızın izində daha böyük zəfərlər peşində!
Güney Azərbaycan Milli Qurtuluş Hərəkatı-Yönətim Qurulu
2023-10-28
