Ukrayna Rusiyan 24700 hərbçisini öldürüb, bir neçə yaşayış məntəqəsini azad etdi
Ukrayna müharibənin 71-ci günü üçün Rusiya ordusunun itkiləri haqda məlumatı yeniləyib. Bu barədə Ukrayna Baş Qərargahının sosial şəbəkə hesabında məlumat yayılıb.
Bildirilib ki, Rusiya indiyə qədər 24 700 hərbçi, 1092 ədəd tank, 2651 ədəd zirehli döyüş maşını, 499 ədəd artilleriya sistemi, 169 ədəd RYAS (reaktiv yaylım atəş sistemi), 83 hava hücumundan müdafiə sistemi, 196 ədəd hərbi təyyarə, 155 ədəd helikopter, 1907 ədəd avtomobil texnikası, 10 ədəd gəmi/kater, 76 ədəd yanacaq sisterni, 312 ədəd PUA, 38 ədəd xüsusi texnika, 89 qanadlı raket itirib.
Eyni zamanda işğalçı ruslar Nikolayev və Xerson vilayətlərində bir neçə yaşayış məntəqəsinə nəzarəti itiriblər. Bu barədə Ukrayna Baş Qərargahı məlumat yayıb.
“Ukrayna ordusunun uğurlu əməliyyatları nəticəsində düşmən Xerson və Nikolayev vilayətlərində bir neçə yaşayış məntəqəsinə nəzarəti itirib”, – məlumatda qeyd olunub.
