Əbülfəz Elçibəyin vəfatının 25-ci ildönümünü ilə bağlı Güney Azərbaycan Qurtuluş Partiyasının Başsağlığı
Bu gün Azərbaycan tarixinin böyük öndərilərindən, Quzeyimizin milli azadlıq hərəkatının lideri,
vətənimizin milli qurtuluş və istiqlalının simvolu Əbülfəz Elçibəyin vəfatının 25-ci ildönümünü dərin hüzn
və sayğıyla anırıq.
Əbülfəz bəy bütün ömrünü millətinə və vətəninə həsr etmiş, istiqlal və milli kimlik uğrunda dönməz bir
mübarizənin önündə dayanmışdı. Onun azadlıq ideyaları, Azərbaycan Türk Millətinə olan sarsılmaz sevgisi
və dövlətçilik anlayışı bu gün də yolumuzu işıqlandırmaqda, gələcək nəsillərə örnək olmaqda davam edir.
Əbülfəz Elçibəyin itkisi yalnız Azərbaycan üçün deyil, bütün Türk Dünyası üçün böyük bir itki olmuşdur.
Lakin onun əqidəsi və idealları ölməzdir, o, millətimizin vicdanı, azadlığın səsi və istiqlalın simvolu olaraq
əbədi yaşayacaqdır.
Güney Azərbaycan Qurtuluş Partiyası olaraq, bu ağır gündə 50 milyonluq Azərbaycan Türk Millətinə və
xalqlarına, bütün sevənlərinə və davamçılarına dərin kədərlə başsağlığı veririk.
Ruhuu millətimizin ülküsü, yeri ulusumuzun ürəyi olsun!
Güney Azərbaycan Qurtuluş Partiyası (GAQP) Başqanı Eldar Qaradağlı
22 avqust 2025
