Güney Azərbaycan Təşkilatlarının Əməkdaşlıq Şurasının Embleminin Qəbuluna Daair Bəyanatı
Güney Azərbaycan Təşkilatlarının Əməkdaşlıq Şurası bu bəyanatla Şuranın rəsmi emblemini qəbul etdiyini elan edir. Qəbul edilən emblem, Şuranın ideoloji və mədəni kimliyini, eləcə də Azərbaycan Türk Millətinin tarixi və milli dəyərlərini özündə toplayır. Emblemin bütövlüyü Azərbaycan xalça sənətinə xas olan “ilmək” simvolundan ilhamlanmışdır. “İlmək” — birliyi, həmrəyliyi və bir-birinə bağlı olmağı simvolizə edir. Şəklin mərkəzində yerləşən qırmızı xətlər məhz bu “ilmək” simvolunu təcəssüm etdirir. Emblemin ortasındakı dairə Şuranın birliyinin və ortaq qərar masasının rəmzidir. Bu masa, üzv təşkilatların bərabərlik və qarşılıqlı hörmət prinsipləri əsasında bir araya gəldiyi platformanı ifadə edir. Masanı və ilməyi əhatə edən qırmızı və mavi xətlər, səkkizguşəli ulduz formasında tərtib olunmuşdur. Bu forma həm Azərbaycan bayrağının rəmzi olan ulduzu, həm də millətin bir arada olma iradəsini təmsil edir.
Emblemdəki qırmızı, yaşıl və göy rənglər, Azərbaycan bayrağının rənglərini və onların daşıdığı mənəvi dəyərləri əks etdirir:
• Göy — Türklüyü,
• Qırmızı — azadlıq və müasirliyi,
• Yaşıl — Azərbaycan Türklülyünün inanc və mənəvi kökləri simvolizə edir.
Bu emblem, Güney Azərbaycan Təşkilatlarının Əməkdaşlıq Şurasının milli kimlik, birlik və gələcəyə inam prinsiplərinə sadiqliyinin vizual ifadəsidir.
“Güney Azərbaycan Təşkilatlarının Əməkdaşlıq Şurası – GATƏŞ”
1. Azərbaycan Demokrat Firqəsi – ADF
2. Azərbaycan Mərkəz Partiyası – AMP
3. Azərbaycan Milli Dirəniş Təşkilatı – Dirəniş
4. Azərbaycan Öyrənci Hərəkatı – AZOH
5. Güney Azərbaycan Cümhuriyyət Partiyası – ACP
6. Güney Azərbaycan Demokrat Partiyası – GADP
7. Güney Azərbaycan İstiqlal Partiyası – GAİP
8. Güney Azərbaycan Milli Dövlət Alyansı– MDA
9. Güney Azərbaycan Qurtuluş Partiyası – GAQP
