Azərbaycan Milli Hökuməti,nin başnaziri
Seyid Cəfər PİŞEVƏRİ
GÜNEY AZƏRBAYCAN QURTULUŞ PARTİYASININ AZƏRBAYCAN MİLLİ HÖKUMƏTİN 79-CU İL DÖNÜMÜ İLƏ BAĞLI BİLDİRİŞİ
(Hər il, şanlı 21 Azər özünün il dönümündə bizə birləşin, bütünləşin, iri olun, diri olun, xətaya
düşməyin, özgə evinə çıraq olmayın, başqalarına bel bağlanmayın, türklüyünüzə dayanın,
Azərbaycanıza yiyələnin öyüdü verir! Biz isə, eqolarımıza, birəysəl həvəslərimizə, qruplar arası
çatışmalara yenik düşərək 80 illik dadlı-dadsız təcrübədən dərs çıxara bilmirik!!!)
Sayğılı Azərbaycan Türk Milləti!
Qan içində boğulan Ortadoğu gündən-günə ağır sınaqlardan keçməkdədir. İranın farsçı-şuubi rejimi
bütün terror ayaqlarını bir-bir əldən verir. Öncə Hamas, ardıca Hizbullah, indi Suriya diktatorası, yaxın gələcəkdə isə bəşəriyyətin üzqarası, dünyaya zəhər saçan ilanın başı farsçı mollalar rejiminin çirkin
varlığı yox olacaqdır!
Amerika addım-addım Ortadoğu Proyektini irəli sürmək üçün İsrailin genişlənmə strategiyasını bütün
bölgəyə yaymaqdadır.
Kürəsəl siyasətdə Güney Azərbaycan gərcəkliyi gündən-günə artmaqdadır. Bu il, bütün keçmiş illərdən
daha artıq birlikdə olmaq gərəkir. Bu il, tək yumruq olaraq, torpaq, vətən, millət, dövlət deyə “Azadlıq-
Ədalət-Milli Hökumət!” axtarışında yurdumuzun azadlığını hayqırmalıyıq. Bu il, daha artıq türkçülük
inamına dayanaraq, Azərbaycanın özgürlüyü, bağımsızlığı ilə ötüşüb-yanan millətçi gəncliyimizin
səsinə səs olmalıyıq.
Sevimli millətimiz!
Şanlı 21 Azər ruhu bizdən bir son milli savaş istəyir. Bu gün, işğaldan qurtuluş günüdür. Yurdumuzu,
ulusumuzu iranilik boyunduruğundan qurtarmalıyıq. Millətimizin var olan kimliyini ona qaytarmalıyıq. Bu
zamanın hökmü, insanlığın təməl daşıdır.
21 Azər ruhunu yaşatmaq üçün Güneyin dövlətçiliyini yaşatmaq gərəkir. Buna görə, özünü
”Azərbaycan Milli Hərəkatı”nın bir parçası bilən bütün çeşidli baxışaçısı olan “Dildaş, Soydaş,
Vətəndaş” qurumların bir arada olması milli borc sayılır. Başqa anlamıyla ideologiya yarışmalarını öz
doğma dövlətimizin çatısı altında keçirməliyik. Bu üzdən 21 Azərin şanlı-qanlı ruhunu daha nisgilli, daha
həsrətli duymamaq üçün:
1- İstiqlalçı, Federalçı, Muxtarçı ayrımçılıq etmədən bütün milli-siyasi hərəkatlar, partıyalar, təşkilatlar,
cəbhələr və çeşidli milli qurumların Azadlıq-Ədalət-Milli Hökumət şüarı altında birləşmə potensialı
artmalı,
2- Qardaş qurumların arasında olan fərqli düşüncələrin incələnməsi üçün ortaq sanal görüşlərin
keçirilməsi sağlanmalı,
3- İran adlanan dövlətin bütün orqanları çürüməkdədir. Yıxılacaq farsçı-şuubi rejimdən sonra nə
ediləcək stratejilərin ələ alınması danışılmalı,
4- Başqa millətlərin milli qurumları ilə ortaq iş xəritəsi ortaya qoyulmalı,
5- Güneydə və İran adlanan açıq zindanda canını, malını, ailəsini və bütün varlığını Azərbaycan vətəni
uğruna qoyan igidlərimizin gənəl durumu ələ alınmalı,
6- Azərbaycan Milli Hərəkatı (AMH) adına ortaq media mərkəzi yaranmalı,
7- Güney Azərbaycan üçün Milli Fondun yaranması uğrunda səfərbər olmalı, tanınmış milli siyasi
böyüklərin bu işə cəlb olunması,
8- Brüssel və Berlin yürüşlərinin ardının gəlməsilə bağlı danışıqlara başlanmalı və bu kimi yaxınlaşma
mikanizmlərin aktivlənməsi gərəkli sayılır.
Biz Güney Azərbaycan Qurtuluş Partiyası olaraq yuxarıda sadalanmış bütün önərilərə açıq
olduğumuzu bildirir, qeysiz-şərtsiz olaraq bütün qardaş təşkilatları və milli-siyasi fəalları dialoğa
çağırırıq.
”SƏN ÇAĞIRSAN GƏLƏRƏM MƏN, SƏN YAŞA AZƏRBAYCAN!
SƏN DESƏN ÖL, ÖLƏRƏM MƏN, SƏN YAŞA AZƏRBAYCAN!”
Yaşasın qanlı 21 Azər şəhidlərinin ölməz xatirəsi!
Güney Azərbaycan Qurtuluş Partiyası
2024-12-10
