Məhbus vəkilin müalicəsinə icazə verilmir
Tehranın Evin həbsxanasında saxlanılan güney azərbaycanlı vəkil və milli fəal Tahir Nəqəvinin müalicə olunmasına icazə verilmir.
Bununla bağlı insan haqları təşkilatları məlumat yayıb.
Həkimlər bir neçə xəstəlikdən əziyyət çəkən fəalın müalicəsi və əməliyyatı üçün həbsxanadan qıraq xəstəxanaya köçürülməsini tövsiyə ediblər.
Buna baxmayaraq, həbsxana rəhbərliyi Tahir Nəqəvinin xəstəxanaya köçürülməsi barədə müraciətə mənfi cavab verib.
Qeyd edək ki, təhlükəsizlik məmurları Tahir Nəqəvini fevralın 6-da Kərəc şəhərində həbs ediblər.
O, “hökumətə qarşı təbliğat” və “milli təhlükəsizliyə zərbə vurmaq üçün toplaşmaq və əlbir olmaq”da günahlandırılıb.
