Şərəfli və zəkalı Azərbaycan (Türk) Millətinə!
Əziz millətimiz, Azərbaycanın yox edilməsilə bağlı dövlət layihəsi son aşamadadır. Bu alarm
sizin üçün son uyarıdır! Artıq öz dərin düşüncənizlə bu yıxıcı proyektin durdurulması Sizə
qalmışdır! Artıq, öz mənliyinizə yiyələnmə yolların seçimi Sizə qalmışdır!
Uca Türk Millətimiz,
100 ildən bəri geniş alanlı kültürümüzü, dilimizi və bir anlamda milli varlığımızı Fars
irqçiliyinə məhküm edən faşizm düşüncə, indi də Türk və Azərbaycan varlığını bir başa yox
etmə strategiyası ilə qarşımızda dayanıbdır.
Azərbaycan türklərinin, özəlliklə Təbrizin igid xalqının canla-qanla həyat şansı verdiyi
Məşrütənin ingiltərə gücü ilə aradan qalxması, ayrıca 1945-ci ildə M. C. Pişəvəri başçılığında
qurulan Azərbaycan Milli Hökumətinin Amerika yardımı ilə qan dənizində boğulmasının
gətirdiyi türklərə qarşı soy və boyqırım Fars şovinizmini iqna etməmiş kimi, indi də türkləri və
Azərbaycan təməldən yoxa çıxarma planı ortaya qoyulubdur.
“Yanıq Bölgə” Azərbaycan düşmənlərinin ortaya qoyduğu yeni proyektdir. Neçə başlı bu
planın amcı isə ilk olaraq Urmu Gölüdür!
Cinayətkar düşmən, Urmu Gölünü sulandıran bütün çayların üzərində su anbarları tikərək
Azərbaycanın “Üzük Qaşını” qurutmaqla, Azərbaycan Türk Millətinə qarşı öz çirkin və faşistı
niyyətini sonuclandırmağa çalışır.
Hardasa, dövlətə bağlı və özgür ekologiya uzmanlarına görə, Urmu Gölünün qurudulması ilə
bölgənin əkin-biçin sahələri bütünlüklə aradan gedəcək, duz qasırqasından ortaya gələn çeşidli
kanserlər özəlliklə azyaşlıların ölümünə nədən olacaq, bütün yaşam sistemini aradan qaldıracaq
və Azərbaycanın duz çölünə dönüşməsinə yol açacaqdır. Bu isə, ağır insan ölümü və ən azında
beş Azərbaycan əyalətinin məcburi köç etməsilə sonuclanacaqdır.
Böyük millətimiz, bu faciənin boyudlarını beş-on sətirdə anlatmaq mümkün deyil. Biz,
vətənimiz Azərbaycanın övladları olaraq bu alarmı səsləndiririk ki, özünə və toplumuna
özgələşən azınlıqla, keçim və məişət çəmbərində əzilən çoxunluq faciənin dərinliyinə
düşünsün! Özünə gəlsin ki, bu soyqırım və açıq qətliamın sonunda yaşla-qurunun bir çatı
altında kül olmasını anlasın! Özünə gəlsin ki, bizim milli sərvətlərimizin üzərində cənnət
yaradanların düşmənliyini dərk etsin! Özünə gəlsin ki, ən şansılı durumda Fars bölgələrində
aşağılanaraq, təhqir olunaraq yeniçağ qul olacağını unutmasın!
Quşqusuz ki, tarix boyu ən ağır sınaqlardan keçən igid Azərbaycan Türk Milləti, yenə də
ayaqlanaraq başını uca tutacaq, yenə də zülmün kökünü qazıb öz böyüklüyü ilə insanlara
azadlıq gətirəcək. Sözsüz ki, hər zaman olduğu kimi, bu kəz də ölməz millətimiz anka (qoqnus)
quşu kimi öz külündən doğaraq, möhtəşəm yaşamı üçün tarixsəl görəvini yerinə yetirəcəkdir.
Azərbaycan Milli Hərəkatı gəncləri
