Çevrə Həyat Müdafiəçilərinin Çağırışı

Urmu Gölü Milli Günü Kampaniyasının katibi bu qlobal bildirişi müstəqil xəbər saytı “Çiçest News”ə göndərmişdir.

Bəyanatın tam mətni:

Yerin-göyün yaradıcısının adıyla

Salam olsun İran və dünyanın bütün çevrə həyat müdafiəçilərinə!

Hörmətli İran Prezidenti, cənab Doktor Pezeşkiyan!

Öncədən Urmu Gölü Milli Gününü qeyd edərək bildiririk ki, İran, səmərəsiz sistem idarəçiliyi səbəbindən ciddi iqtisadi və ekoloji böhranlarla üzləşmişdir!

Hörmətli cənab Prezident!

Bir çox tanınmış yerli və beynəlxalq ekspertlər kimi özünüz də öncədən təsdiq etmisiniz ki, ölkənin ən vacib ekoloji böhranlarından biri Urmu gölünün quruması və bu səbəbdən on milyondan çox insanın köçkün düşməsidir!

Sizin seçki kampaniyanız zamanı verdiyiniz iki əsas vədi xatırladaraq:

1. “Urmu Gölünü Yaşadacayıq!”
2. “Urmu Gölünü Qurtarma Qərargahı”nın idarəsini valilərə vermək milli sorumluluğun dərəcəsini aşağı salmaqdır!”

Əgər Siz və hökumətiniz Urmu gölünün yaşatmasını milli birlikdə və ümumi istəkdə görürsünüzsə, o zaman:

🔹 Birinci addım: Şəffaflığınızı göstərmək üçün 5 mart 2025-ci il (5/isfənd/1403) tarixində, İran Mədəniyyət Şurasının bu günü rəsmi təqvimə salınmasının qarşısını almaq səbəblərinə yenidən baxılmalıdır. Xatırladırıq ki, 27 mart 2021-ci il (1399/12/15-günəş ili) tarixində Qərbi Azərbaycan Mədəniyyət Şurasının 133-cü iclasında bu gün səs çoxluğu ilə vilayət təqviminə daxil edilmişdir.

🔹 İkinci addım: 5 mart /15 isfənd/ tarixinədək, hökumətinizin Urmu gölünün xilası üçün cari il ərzində gördüyü işləri və gələcək il üçün planlarını şəxsən Urmu Gölü körpüsünün üzərində, geniş ictimaiyyətin iştirakı ilə açıqlayın.

🔻 İran və dünya çevrə həyat müdafiəçilərinə müraciət:

Urmu gölünün quruması ilə birgə yaranacaq duz fırtınaları, həmçinin xərçəng və digər xəstəliklər türk, kürd, lor, bəluç, ərəb, türkmən, gilək və fars fərqi qoymur.

İnsanlıq borcumuzdur ki, özümüzü həmvətən sayan hər bir fərd və dünyanı öz evi bilən hər kəs bu milli və qlobal faciəyə biganə qalmasın!

İndi ki, İran və dünyanın ekoloji fəalları 5 mart /15 isfənd/ tarixini Urmu Gölü Milli Günü kimi qəbul edərək, hər il bu günü fərqli ekoloji fəaliyyətlərlə – bildirişlər, sosial mediada paylaşımlar, stikerlər hazırlayıb avtomobil və iş yerlərinə yapışdırmaq, göl ətrafında dinc etiraz və toplantılar təşkil etməklə qeyd edirlər, bu artıq ictimai və humanitar bir hərəkat halını almışdır.

Bu davamlı dəstək, hökumətin Tehranda oturan, qeyri-peşəkar və biganə məmurların görməzlikdən gəlməsinin qarşısını ala bilər. Ayrıca bu dəstəklərin sürməsilə Urmu gölünün qurtuluşu üçün lazım olan qərarların gecikmədən həyata keçməsini sağlayar.

Sonda bir daha bütün çevrə həyat müdafiəçilərini Urmu Gölü Milli Günü münasibətilə təbrik edirik!

7/12/1403 – 25/2/2025