‘31 dekabr’
Dünya Azərbaycan Türklərinin Birlik Günü Qutlu Olsun.
(Güney Azərbaycan Qurtuluş Partiyasının Bildirişi)
31 DEKABR – DÜNYA AZƏRBAYCAN TÜRKLƏRİNİN QUDSAL BİRLİYİ, BÜTÖV AZƏRBAYCAN BİRLİYİNİN YENİDƏN UMUDLANMASI GÜNÜDÜR.
31 DEKABR, MİLLƏTİMİZİN 1828-Cİ İLDƏN RUSLARIN AZƏRBAYCAN TÜRKLƏRİNƏ QARŞI QƏLƏBƏSİ İLƏ BAŞLAYAN PARÇALANMA PROSESSİNE SON QOYMA MÜCADİLƏSİNİN SİMBOLİK GÜNÜDÜR.
BU GÜNÜN ANLAMI İLƏ DESƏK 31 DEKABR YƏNİ:
BİR MİLLƏT – 50 MİLYONLUQ AZƏRBAYCAN TÜRK MİLLƏTİ,
BİR DÖVLƏT – AZƏRBAYCAN RESPUBLİKASI,
BİR BAYRAQ – AY-ULDUZLU BAYRAQ,
BİR PREZİDENT – İLHAM ƏLİYEV CƏNABLARI
Bu tablonun obyektiv önünün açılışı üçün hansı ön başlıqlar gərəkir?
⦁ Güneydə 40 milyon sivil soydaşımızın əliyalın ölüm-dirim mücadiləsi 50 milyonluq Azərbaycan Türk dövləti və millətinin milli davasına çevrilməlidir. Bu davada dövlət və millətcə bir olmaq gərəkir. Güneyin qurtuluşu uğrunda ”Azərbaycan Milli Hərəkatı Fondu”nun yaranması ən önəmli addımdır.
⦁ Azərbaycan Milli Hərəkatının igid gənclərinin farsçı-şuubi zindanlarında boğulan səsini, uşaqların gözyaşları, ac qarınları dövlətimizin gözündən uzaq tutulmamalıdır.
⦁ İrqçı İran rejiminin basqıları üzündən illər boyu həbs çəkmiş, işkəncə görmüş, ən ilkin milli-insani haqlarını itirmiş, işini-malını, can güvənliyini işğalçı rejimə uduzmuş, doğmalarından sürünmüş çoxlu soydaşımız var. Ana yurdumuzun quzeyinə və Türkiyəyə üz tutan minlər Azərbaycanlı aktivist BMT qanunlarının çox aşağısında əzgin durumda ömür sürürlər. İki dövlətimiz – özəlliklə öz bə öz Azərbaycan dövləti igid övladlarına canla-ruhla yiyələnməlidir. Bu onların ən doğal haqqıdır. Yox,”biz hələ bir millət-dövlət kimi sübyektiv və ruhsəl birlikdə deyilik” tutum sərgilənirsə, onda Güneyli igidlərimizin taleyini ən azından BMT-ə buraxmaq gərəkir. Halbuki, ilgili dövlət orqanlarının insani və humanitar sorunlarda vicdanlı davranışı dövlət və millət üçün ən önəmli qazancdır.
⦁ Bir millət, bir dövlət, bir bayraq və bir prezident sahibi olmaq uğrunda 50 milyonluq milli düşüncə tərzində media, telekanal, propaqanda şəbəkəsi yola salmaq gərəkir. Bu Azərbaycan Respublikası dövləti üçün ən az həzinə ilə başa gələndi. Belə kiçik proyektlər üçün günümüzün güclü, başı uca Azərbaycan dövlətinin mənəvi və siyasi iradəsi yetərlidir. Belə gərəkli iradənin həyata keçirilməsilə təkcə Güneyin səsinin ucalması deyil, Tehranın şuubi Səhər kanalının da zəhər saçmasına yetərli cavab imkanı açılacaqdır.
⦁ Başda Azərbaycan Milli Hərəkatı olmaqla, Güney Azərbaycan milli-siyasi qurumlarına doğma gözlə baxmaq, onların savaşını özününkü bilmək gərəkir. Onların madi-mənəvi yardımına qoşmaq həmrəylik anlamına gəlir. Həmrəylik quru təbriklə deyil, evində oturub hobbi olsun deyə savaşçılara yaşasın deməklə onların ailəsinin qarnı doymaz! Cəsarət ilə mali paylaşmaq həmrəylik ərdəmi deməkdir. Şuarda deyil, əməldə dayanışma sağlanmalıdır.
⦁ Azərbaycan dövlətçiliyinə bağlı diaspora gücünün yenidən toparlanması, dünya üzrə milli birliyin daha sağlamlaşması üçün, Azərbaycan hakimiyyətinin ciddi diaspora çabasına ehtiyacı vardır. Qeyri-hökumət və ya sivil qurumların millətlər arasındakı nüfuz dairəsi çox genişdir. Dünya Azərbaycanlılarının həmrəylik günü, əsl anlamda milli dərnəklərin, assosiasiyaların, federasiyaların və bu kimi dünya çapında milli proyekt üzərində sistemləşmiş birliklərin illik qurultayı olmalıdır.
Yaşasın 50 Milyonluq Azərbaycan Türk Milləti və Dövləti!
Yaşasın 31 Dekabr – Milli Birlik və Həmrəyliyimiz!
Güney Azərbaycan Qurtuluş Partiyası
2024/12/28
