Ulu Tanrının adıyla
Salamlar və sayğılar əziz Azərbaycan millətinə, hörmətə layiq milli hərəkat fəallarına.
Müasir dünyada çoxlu mədəni mübarizələr azadlıq, insani haqlar və ədalətə doğru gedir və təbiidir ki, bu hədəflər üçün rəsmi olan yollar özündə müasir prinsiplərə haiz olmalıdır. Duyğusallıqdan iraq, şurayi və cəmi məsləhətə dayanmalıdır. Dünyanın gündəm ictimai hərəkatları partiyalar rəhbərliyi altında nəticəyə müntəhi olmuş və böyük insanları geniş xarizmalarla tərbiyə etmiş.
Bugün bizim təbizə məruz qalan vətənimizdə bu gərəkli həqiqətdən ayrılmamalıdır. Necə ki, ilk dəfə demokratik firqə rəhbərliyi altında bir il azadlıq, ədalət və insani haqların və həmçinin özgürlüğün adətinə əl tapıb və hələ də o səadətin ləzzətini dadında unutmayıb.
Bugün bizə çatan xəbərlər, milli hərəkatə mənsub olan cərəyanların bir daha yüksək ittifaqlarından və iş birliyindən danışır.
Azərbaycan milli mutalibləri, səadəti və özgürlüğü yolunda yaranan təşkilatlara və partiyalara, son dərəcə sayğılar və sevgilər diləyərək və şovinizmin əsarətində olsaq da, vətən səadəti yolunda və milli hərəkat ölçüləri uğrunda birləşib müttəhid çıxışlara addım atan əziz dostlarımıza qüvvət-qəlb verməyi özümüzə milli vəzifə bilib və məhəbbət və səmimiyyətlə əllərini sıxırıq.
Əziz dostlar, necə ki, dünyanın digər tərpənişləri demokratik partiyalar, təşkilatlar və cəbhələr potensialı ilə uzaq-uzaq yolları öz xalqlarına yaxınladıblar, yeni yaranan ittihad və bəlkə gələcəkdə böyük cəbhə səviyyəsinə irtiqa tapmaq gücünə malik olan birliklərə səmimi təbriklərimizi göndəririk. Həmçinin gələcəkdə bir daha yarana bilən yeni partiyalara və cəbhələrə də ürəyimizin sevinci ilə intizar çəkirik.
Şübhəsiz bu həqiqətə inanaraq deyirik hər yerdə cəmi məsləhətə dayanmışıq, dağı dağ üstə qoymaq gücünə malik olmuşuq. Şübhəsiz keçmiş günlərdə yaranan birliyi də bu yolda görüb təqdirə layiq bilib, bütün qayğıkeş dostlarımıza və ölkəmiz Azərbaycana səadət və uğurlar diləyirik.
Ədalət, azadlıq və insan haqlarına dayanıb öz taleyini rəqəm vuran hərəkatı kimsə dayandıra bilməz. Şüarımız olan El gücü, sel gücünü əməl dərəcəsinə çatdırmalıyıq.
Yaşasın vətən, yaşasın vətən övladı.
Evin zindanında məhbus olan milli fəallar:
1- Vədud Əsədi
2- Mahmud Ocaqlı
3- Mürtəza Pərvin
4- Salar Tahirəfşar
5- Əbdüləziz Əzimi Qədim
6- Tahir Nəqəvi
