ustad Heydər Abbasi (Barışmaz) vəfatı ilə bağlı başsağlığı

Dərin hüzn və kədər hissi ilə bildiririk ki, Marağa şəhərində doğulmuş Azərbaycanın görkəmli şairi, milli düşüncənin və mənəvi müqavimətin sarsılmaz səsi, ustad Heydər Abbasi (Barışmaz) vəfat etmişdir.

Ustad Heydər Abbasi yalnız bir şair deyildi; o, sözün qüdrəti ilə millətin yaddaşını oyadan, kimlik və azadlıq ideallarını poeziyanın ən uca zirvəsinə daşıyan bir fikir adamı idi. Onun yaradıcılığı, milli varlığımızın qorunması və gələcək nəsillərə ötürülməsi yolunda əvəzsiz bir mənəvi mirasdır.

Bu ağır itki münasibətilə Qurtuluş Partiyası olaraq, mərhumun ailəsinə, yaxınlarına, sənət dostlarına və bütün uca Türk millətinə dərin hüznlə başsağlığı verir, səbr və dözüm diləyirik. Ustadın əziz xatirəsinin hər zaman qəlblərdə yaşayacağına, onun ideallarının isə yolumuzu işıqlandırmağa davam edəcəyinə inanırıq.

Allah rəhmət eləsin. Ruhu şad, məkanı cənnət olsun.

Dərin ehtiramla,
Güney Azərbaycan Qurtuluş Partiyası